Ambasada amerikane vlerësoi ndjesën e Xhelal Mziut nga Dibra, duke theksuar dhe njëherë papranueshmërinë e strukturave të ashtuquajtura “në mbrojtje të votës” nga ana e PD-së, nga të cilat humbi jetën Pjerin Xhuvani në Elbasan.
“Më vjen mirë të shohë ndjesën e qartë nga Dibra. Dhuna e shkaktuar në Elbasan këtë javë nuk mund të justifikohet, nuk duhet të përsëritet.
Ditët e grupeve të armatosura që mbajnë logon e ndonjë partie politike dhe ‘patrullojnë’ rrugët i përkasin të kaluarës – e kaluara e shëmtuar që të gjithë ne duhet ta refuzojmë.
Ky incident nuk duhet të përdoret për të sulmuar me egërsi njërën palë ose tjetrën, për të nxitur emocione në mes të mbështetësve.
Përkundrazi, kjo duhet të bëjë që të gjithë udhëheqësit të reflektojnë se si ata mund ta drejtojnë këtë vend larg nga e kaluara dhe drejt një të ardhme më të mirë”, shkruan ambasadorja Yuri Kim. /tesheshi.com/
