SHBA parashikon trazira në Kosovë ndaj ambasada e saj në Prishtinë u kërkon qytetarëve të saj të jenë të kujdesshëm.
Byroja për Siguri Diplomatike e ambasadës bën të ditur se mund të ketë tensione gjatë protestave pa ndalim të opozitës.
“Partitë politike opozitare në Kosovë do të demonstrojnë kundër Qeverisë së Kosovës. Numri i pjesëmarrësve në këtë protestë nuk është i ditur. Demonstrata të ngjashme si kjo të mbajtura në tetor, nëntor dhe janar, përgjatë sheshit Nëna Terezë, u kthyen në të dhunshme. Këto ngjarje do të mund t’i bllokojnë rrugët ose të pengojnë transportin publik”, thuhet në mesazhin e faqes së ambasadës amerikanë në Prishtinë.
“Qytetarët e Shteteve të Bashkuara duhet të jenë të vetëdijshëm për demonstratat e vazhdueshme potenciale të organizuara nga grupet në Kosovë. Grupet kanë informuar se planifikojnë të organizojnë protesta 24/7 përballë Kuvendit të Kosovës.
Qytetarët e Shteteve të Bashkuara duhet t’i shmangin këto zona të demonstratave dhe të kenë kujdes nëse gjenden afër ndonjë tubimi të madh ose protestave. Edhe demonstratat që mendohet të jenë paqësore, mund të kthehen në konfrontuese dhe të përshkallëzohen në dhunë”, thuhet në njoftimin e ambasadës së SHBA në Kosovë. Ky paralajmërim erdhi pas sulmit që u bë ndaj ambasadorit të SHBA, Delawie dhe peticionit kundër tij. /tesheshi.com/
