Departamenti amerikan i Shtetit lëshoi një paralajmërim ndaj regjimit sirian të Bashar al-Assad, pas dyshimeve se ky i fundit mund të kishte kryer rishtaz një sulm me armë kimike në veriperëndim të vendit.
“Fatkeqësisht, ne vazhdojmë të shohim sinjale se regjimi i Asadit po përdor sërish armë kimike. Kemi të dhëna për një sulm me gaz klorin në Sirinë veriperëndimore, në mëngjesin e 19 majit, tha zëdhënësja e departamentit Morgan Ortagus.
“Shtetet e Bashkuara vazhdojnë të ndjekin nga afër operacionet ushtarake nga regjimit, dhe me theks të veçantë ndjekim indikacionet e çdo përdorimi të ri të armëve kimike nga regjimi”, shtoi ajo.
Deklarata e Ortagus vjen në kohën kur regjimi po kryen sulme të reja në Sirinë veriperëndimore, e që SHBA ka paralajmëruar se një ky është një “përshkallëzim i pamatur” që mund të destabilizoj rajonin.
Sulmet provokojnë një katastrofë të madhe humanitare, pasi 180,000 civilë janë detyruar të iknin në tri javët e fundit. Të paktën 151 civilë kanë humbur jetën në provincën Idlib që nga 25 prilli dhe më shumë se 405 janë plagosur.
Rreth 1.5 milion njerëz aktualisht banojnë në Idlib. Gjysma e tyre janë zhvendosur nga pjesë të tjera të vendit të shkatërruar nga lufta. Turqia dhe Rusia arritën ta kthejnë Idlibin në një zonë të de-eskalimit, ku do të ketë qasje humanitare dhe liri të hyrjes për stafet e ndihmës.
Regjimi, megjithatë, ka thyer vazhdimisht kushtet armëpushimit, duke kryer sulme të shpeshta brenda zonës. Siria sapo kishte nisur të dalë nga një konflikt shkatërrues që filloi në fillim të vitit 2011, kur regjimi shtypi demonstruesit me ashpërsi të paparë. /tesheshi.com/
