Shtetet e Bashkuara dhe Koreja e Jugut i kanë nisur ushtrimet e përbashkëta ushtarake në Gadishullin Korean.
Në këtë stërvitje janë përfshirë aeroplanë luftarakë, helikoterët dhe 40 luftanije, përfshirë aeroplanmbajtësin amerikan, USS Ronald Reagan.
Komandantë nga Flota e 7-të e Shteteve të Bashkuara kanë njoftuar sot se manovrat po zhvillohen në Detin e Japonisë dhe Detin e Verdhë dhe se këto ushtrime 5 ditëshe “paraqesin angazhim të dukshëm dhe të koordinuar” të aleancës SHBA-Koreja Jugut.
Manovrat po bëhen në periudhën e tensioneve të larta ndërmjet Shteteve të Bashkuara dhe aleatëve të tyre në rajon, në njërën anë, dhe Koresë së Veriut në anën tjetër, që i ka akuzuar amerikanët se po i shfrytëzojnë ushtrimet për të përgatitur sulm. /tesheshi.com/
