SHBA thonë se duan të krijojnë një koalicion ndërkombëtar ushtarak për të mbrojtur ujërat rreth Iranit dhe Jemenit. Gjenerali i Marinës Amerikane, Joseph Dunford, tha se donte të “sigurojë lirinë e lundrimit” në rajon, gjë që siguron rrugë të domosdoshme tregtare.
SHBA ka fajësuar Iranin për sulmet ndaj naftëmbajtësve të tyre në maj dhe qershor.
Gjenerali Dunford tha se SHBA po bisedonte me një numër vendesh aleate lidhur me “vullnetin politik” për të zbatuar ato plane.
SHBA duan të sigurojnë anije “komanduese dhe kontrolluese”, duke udhëhequr përpjekjet e mbikëqyrjes. Megjithatë, qëllimi do të ishte që vendet e tjera të ofrojnë anije për të ngritur patrullat më afër Iranit dhe të shoqërojnë anijet tregtare që mbajnë flamuj të tyre nëpër këto zona. /tesheshi.com/
