I dërguari special Brian Hook i ka dërguar një kërcënim Esmail Ghaanit, i cili u emërua Komandant i Forcës Quds nga Garda Revolucionare Irani në vend të të ekzekutuarit Qassem Soleimani.
Hook i tha gazetës saudite Ashraq al-Awsat se vdekja e Soleimanit, i cili u vra në një sulm amerikan në 3 janar pranë aeroportit të Bagdadit, është “një zbrazëti që regjimi iranian do ta ketë të vështirë ta mbushë”.
“Nëse Esmail Ghaani ndjek të njëjtën rrugë të vrasjes së amerikanëve, ai do të përballet me të njëjtin fat”, tha Hook, duke komentuar komandantin e ri të forcës Quds dhe çfarë do të ndodhte nëse ai shkonte në të njëjtën rrugë si Soleimani.
Hook tha që regjimi iranian dhe forcat që veprojnë në emër të tij do të konsiderohen përgjegjës për sulmet ndaj amerikanëve ose interesave të SHBA në rajon.
I pyetur në lidhje me protestat antiqeveritare në Iran, ai i quajti protestuesit të guximshëm dhe tha se SHBA do të vazhdojë t’i mbështesë ata. /tesheshi.com/
