Shqipëria pritet të përfitojë 20 milionë dollarë nga strehimi i refugjatëve politikë iranianë. Burime qeveritare bënë të ditur se kjo ndihmë do të jetë në dy mënyra: në mbështetje për institucionet shqiptare, por edhe mbështetje financiare për sistemin e asistencës sociale.
Kjo ka qenë vetëm pjesa e parë e kësaj asistence që jepet nga Shtetet e Bashkuara të Amerikës dhe që është vendosur gjatë vizitës së Sekretarit të Shtetit John Kerry në Tiranë, 14 shkurtin e shkuar.
Ndërkaq, ka pasur reagime të ndryshme vendimi i Tiranës zyrtare për të pritur një numër refugjatës politikë iranianë.
Qarqe ruse dhe serbe kanë sulmuar Tiranën duke akuzuar se po pret terroristë.
Ndërsa ish-zv/Presidenti i Parlamentit Europian ka bërë thirrje që Shqipëria të shpërblehet për këtë gjest humanitar.
Në një shkrim të botuar në Euroaktiv, Alejo Vidal-Quadras deklaroi se “Shqipëria meriton mirënjoje dhe motivim për angazhimin e saj në mbrojtjen e të drejtave të njeriut dhe qëndrimin humanitar ndaj muxhahidinëve.
Vidal-Quadras është një nga aktivistët më të rëndësishëm europian të të drejtave të njeriut dhe drejton një organizatë të njohur.
Quadras është një politikan spanjoll dhe mban postin e Presidentit të Komitetit Ndërkombëtar për të Kërkuarit dhe Drejtësinë, një OJF me qendër në Bruksel.
“Në prill 2014 zhvillova një vizitë në Tiranë dhe takova kryeministrin Edi Rama e presidentin Bujar Nishani, por dhe disa deputetë. U impresionova nga gadishmëria për të marrë refugjatët nga Kampi i Lirisë në Irak. Këta refugjatë kanë qenë në kërcënim të vazhdueshëm nga qeveria iraniane dhe ajo filo-iraniane e Irakut që nga viti 2009.
Vetëm kur u premtua respektimi i Konventës së Gjenevës u bë lëvizja e tyre e avashtë dhe vetëm Shqipëria i pranoi. Bashkimi Europian i neglizhoi ata dhe vetëm SHBA i ndihmoi ata”, thekson Vidal-Quadras.
Interesant është fakti se dhe për armët kimike, shuma që aludohet se i që premtuar Shqipërisë si ndihmë ishte po aq 20 milion. Përgatiti: Ylli Pata – /tesheshi.com/
