Shkatërruesi amerikan “USS Milius” mbërriti në bazën detare të Yokosuk në Japoni, tre javë përpara takimit të planifikuar të Presidentit Trump mes liderin e Koresë së Veriut, Kim Jong-a.
Kjo është një nga luftëanijet më modern të forcave detare amerikane, raporton Reuters.
Vendosja e këtij shkatërruesi në një bazë japoneze ku Shtetet e Bashkuara tashmë kanë 12 anije, e shtyrë për gati një vit për shkak të modernizimit të saj, ka rritur aftësinë për të zbuluar dhe për të eliminuar raketa armike.
Kjo pasi vetë luftëanija është e pajisur me raketa të afta për të përballuar çdo raketë balistike me rreze të gjatë veprimi. Në rastin konkret, ato që mund të lëshohen nga Koreja komuniste, edhe pse kjo e fundit po shfaq shenja zbutjeje, sidomos me vendimin për shkatërrimin e poligonit bërthamor. Megjthatë, SHBA me “Milius”-in e tyre e konsolidojnë linjën e parë të mbrojtjes.
Ky shkatërrues, sipas Marrëveshjeve të Sigurisë së Tokios dhe Uashingtonit, gjithashtu duhet të mbrojë edhe Japoninë nga ndonjë sulm eventual.
“Ajo që e veçon ‘Milius’-in tashmë, është avancimi më i fundit dhe më i madh i sistemit luftarak”, tha kapiteni i luftëanijes, komandanti Jennifer Pontius.
Sipas tij, shkatërruesi ka rritur kapacitetet në disa fusha, të tilla si mbrojtja kundër raketave balistike, konflikti elektronik, nënujor dhe ajror. /tesheshi.com/
