Ushtria e Shteteve të Bashkuara njoftoi se lideri i ISIL-it) në Sirinë lindore u vra në një sulm me dron.
Komanda Qendrore e SHBA-së CENTCOM lëshoi një deklaratë se sulmi u krye të premten dhe se Osama al-Muhayer u vra me atë rast.
“Ne e kemi bërë të qartë se ne mbetemi të përkushtuar për të mposhtur ISIS-in në të gjithë rajonin,” tha shefi i CENTCOM, gjenerali Michael Kurilla, duke përdorur një tjetër akronim për grupin e armatosur ISIL.
“ISIS mbetet ende një kërcënim, jo vetëm për rajonin, por edhe për një zonë shumë më të gjerë,” shtoi ai.
Sipas CENTCOM, asnjë civil nuk u vra në operacion, ndërsa forcat e koalicionit deklarojnë se po “verifikojnë raportet për viktima civile”.
Provokimet ruse
Shtohet se dronët e përdorur në sulm ishin objektiva të provokimeve nga avionët luftarakë rusë më herët atë ditë.
CENTCOM thekson se sulmi i së premtes “u krye nga të njëjtit (dronë) MQ-9 që u ndoq nga avioni rus në një incident që zgjati pothuajse dy orë”.
Gjeneral-lejtnant i Forcave Ajrore të SHBA, Alexus Grynkeëich tha se avionët “hodhën materiale bllokuese përpara dronëve dhe fluturuan në mënyrë të rrezikshme afër, duke rrezikuar sigurinë e të gjithë avionëve”. /tesheshi.com/
