SHBA dhe BE kjanë bërë sërish bashkë, sërish për Reformën në Drejtësi, port e çështja më e zhurshme e saj, rithemelimi i Gjykatës Kushtetuese. Ambasadorët përkatës kanë përcjellë në sinkron nga një mesazh apelues për Këshillin e Emërimeve në Drejtësi, që të mblidhet brenda javës në funksion të Kushtetueses, së cilës i është vëbë afati 31 dhjetor për të qenë e ringritur.
“Këshilli i Emërimeve në Drejtësi duhet të takohet këtë javë për të përfunduar vlerësimin dhe për të dërguar listën e kandidatëve në Presidencë dhe Parlament. Proceset duhet të respektohen, por jo të keqpërdoren. Nuk ka asnjë arsye praktike që Gjykata Kushtetuese të mos jetë funksionale deri më 31 dhjetor. Është çështje vullneti. Udhëheqësit duhet të tregojnë vullnetin e tyre të vërtetë”, shkroi ambasadorja Kim.
“Është me të vërtetë kritike që KED të përfundojë vlerësimi i shpejtë i kandidatëve për vendet e lira në Gjykatën Kushtetuese, duke u bazuar në opinionet e Komisionit të Venecias.
Funksionaliteti i plotë i Gjykatës Kushtetuese është një kusht kryesor për të filluar bisedimet e pranimit në Konferencën e Parë Ndërqeveritare”, shkroi Soreca. /tesheshi.com/
