Në seancën e djeshme të Këshillit të Sigurimit për Kosovën në New York, shumë vende që disktutuan e dënuan atë që e cilësuan si ‘dhunë nga opozita dhe bllokim i proceseve demokratike,’ ndërsa më të zëshëm ishin aleatët kryesorë të Kosovës në Këshillin e Sigurimit, përfaqësuesit e Shteteve të Bashkuara të Amerikës dhe të Britanisë së Madhe.
“Të konstatosh se dhuna, përfshi edhe hedhjen e gazit lotsjellës në sallën e Kuvendit, nuk është në përputhje me një shtet bashkëkohor demokratik, është më e pakta që mund të thuhet. Dhuna duhet të ndalet. Kërkojmë nga qeveria e Kosovës që të shqyrtojë situatën dhe të mos tolerojë aktivitetin kriminal brenda institucioneve demokratike,” tha në emër të qeverisë amerikane ambasadori David Pressman, transmeton RTK.
Edhe ambasadori britanik, Matthew Rycroft, vendit kryesues të takimin të djeshëm, shfaqi shqetësimin sic tha ‘për opozitën e cila po përdorë dhunën për të bllokuar punën e Kuvendit dhe ç’është më keq, janë sulmuar edhe indvidë të caktuar të qeverisë.’
“E kundërshtojmë bllokimin e proceseve demkratike dhe përdorimin e dhunës nga opozita për qëllime politike. Njofimet për lëndimet e djeshme duhet të na shqetësojnë të gjithëve. Kuvendit të Kosovës duhet t’i lejohet të mbajë debat të hapur dhe të lirë për të gjitha çështjet në interes të vendit, përfshirë dhe nevojën e ngutshme për përmirësimin e sundimit të ligjit,” tha ambasadori Rycroft.
Të dyja vendet e vlerësuan nevojën e integrimit në organizatat ndërkombëtare si një çështje të rëndësishme për vendin dhe rajonin dhe u zotuan se do të vazhdojnë ta mbështesin Kosovën në këtë rrugë. /tesheshi.com/
