Presidenti Nishani nuk ka pranuar të bëjë asnjë tërheqje nga “sharlatani” i nxjerrë prej gojës së tij në adresë të trajnerit të kombëtares shqiptare, Cristian Panuçi.
Për të, “sharlatan” është opinion dhe jo fyerje.
“Kam shprehur një opinionin tim dhe nuk kam pasur për synim ta fyej personalisht”, është shprehur ish-kreu i shtetit gjatë një interviste në Channel One.
Ai komentoi padinë që trajneri italian i kombëtares shqiptare ka ngritur për të, ku jo vetëm nuk shfaqi ndonjë pendesë për etiketimin ndaj Panuçit, por ia ngjeshi atij mungesën e etikës
“Unë po pres të njihem me padinë sepse nuk e kam marrë ende. Jam njohur me këtë çështje vetëm nga mediat. Patjetër që unë do të respektoj procesin dhe ligjet e shtetit tim dhe të vendit tim dhe do ta ndjek me seriozitet në gjykatë procesin. Do marr avokat. Nëse flasim për edukatë apo shpërthime emocionale, nëse do klikoni në internet dhe do shikonit fjalorin që përdor zotëria, është një fjalor që shokon çdo familje dhe çdo fëmijë”, ka thënë ish-presidenti Nishani, pa e specifikuar se për ç’raste është fjala dhe në adresë të kujt Panuçi flet me gjuhë të shthurrur, siç dhe pretendon. /tesheshi.com/
