Shanset për të mbijetuar në botën e sipërmarrjes, biznesit apo karrierës profesionale nxitin një sjelle të pavetëdijshme që e shtyn njeriun të fokusohet më së shumti tek suksesi i të tjerëve se sa tek dështimet e tyre.
Njerëzit janë të prirur të marrin mësim prej nismave dhe veprimeve të ndërmarra nga të tjerët të cilët kanë korrur sukses se sa tek ato veprime që i kanë bërë të dështojnë.
Si shembull mund të marrim një person i cili shkon të drekojë një ditë fundjave në një restorant dhe duke parë fluksin e madh të xhiros ditore mendon të krijojë një sipërmarrje të vetën në këtë fushë.
Mirëpo sado që i sukseshëm të duket një restorant i caktuar duhen marrë parasysh edhe faktorët e dështimit si përshembull: gati 95 për qind e restorantëve të hapura nuk mbijetojnë më shumë se një vit.
Kjo tregon se njeriu nuk duhet të përqendrohemi vetëm tek suksesi por edhe tek dështimet. Çdo gjë varet nga balancat midis suksesit dhe gabimeve në mënyrë të barabartë. Duke u përqendruar tek të dyja në të njëjtën kohë mund të arrijmë rezultatet e duhura. /tesheshi.com/
