Klubi ukrainas i futbollit Shakhtar Donetsk do të ndajë 25 milionë euro për të ndihmuar ushtarët dhe familjet e tyre, tha presidenti i klubit Rinat Akhmetov të hënën, një ditë pasi mori një ccmim rekord transferimi për anësorin Mykhailo Mudrik nga klubi anglez i Premierligës Chelsea.
Akhmetov shtoi se Shakhtar do të luajë një ndeshje miqësore kundër Chelsea-t në “Donbas Arena” në Donetsk.
Pas transferimit të Mudrik te Chelsea të dielën, Shakhtar njoftoi se “do të marrë 70 milionë euro për lojtarin dhe 30 milionë euro të tjera parashikohen si bonus”.
Klubi njoftoi se është një transferim rekord për Shakhtarin dhe futbollin ukrainas.
Ahmetov tha se paratë do të ndahen si pjesë e projektit të quajtur “Zemra e Azovstalit”, qëllimi i të cilit është “të ndihmojë mbrojtësit e Mariupolit dhe familjet e luftëtarëve të rënë”.
Forcat ukrainase që mbronin Mariupolin u bllokuan në fabrikën e çelikut Azovstal për javë të tëra, ndërsa forcat ruse u përpoqën të merrnin qytetin. Ushtarët ukrainas përfundimisht u dorëzuan në maj të vitit të kaluar.
“Sot ndaj 25 milionë dollarë për të ndihmuar ushtarët tanë, mbrojtësit dhe familjet e tyre”, tha Akhmetov në një deklaratë në faqen e internetit të klubit.
“Paratë do të përdoren për të mbuluar nevoja të ndryshme – nga ofrimi i trajtimit mjekësor dhe protetik dhe mbështetje psikologjike deri në përmbushjen e kërkesave specifike. Për të siguruar transparencë, projekti do të ketë një ekip profesional të pavarur që do të jetë në kontakt me mbrojtësit e Azovstal, familjet e tyre, ofruesit e shërbimeve dhe vullnetarët”, thotë ai.
Chelsea më parë ishte në pronësi të rusit Roman Abramovich, i cili e nxori në shitje klubin pas pushtimit rus të Ukrainës përpara se të blihej nga një grup i udhëhequr nga Todd Boehly dhe Clearlake Capital, raporton Reuters. /tesheshi.com/
