Sezonin 2022: theksi te pastrimi, po shezlongët jetëmarrës?

Në ditët e para të 2022, ministrja e Turizmit dha sinjalin e parë të një nisjes së përgatitjeve për sezonin e pas disa muajve, duke thënë se gjithçka duhet të jetë gati që në mars.

“Përforcojmë pastrimin e katër bashkive bregdetare përgjatë sezonit të verës sepse duam që mjedisi të jetë krenaria e turizmit këtë vit e përgjithmonë.

Në Kavajë, Durrës, Himarë e Sarandë përmes fondit prej 205 milionë lekësh që e përfshimë në buxhetin e vitit 2022 shtojmë forcat për ta pasur vijën bregdetare të pastër siç e meritojmë.

Diskutuam konkretisht për organizimin e punës me kryetarët e bashkive dhe me Agjencinë Kombëtare të Bregdetit, sepse sezoni nuk nis as në qershor e as në korrik, por gjithçka duhet të jetë gati që në mars”, shkroi ajo pas një takimi.

Por ndërsa potencohet pastrimi nuk thuhet ende asgjë në lidhje me çështjen më delikate, atë që vitin e kaluar morri dhe katër jetë: territoret e plazheve private, pra çadrat, shezlonget, për të cilat pati konflikte në shumë plazhe të bregdetit shqiptar. Ndodhën ato jo në javët e përgatitjeve por sapo morri vrull sezoni. /tesheshi.com/