Në prag të çeljes së sezonit të ri turistik, kryeministri Rama mblodhi kryebashkiakët për t’i këshilluar mbi masat që duhet të marrin për një cilësi sa më të mirë shërbimi.
Në një farë mënyrë, Rama u kërkoi atyre të bëjnë baywatch-in për çdo gjë në zonat që kanë nën administrim.
“Në aspektin e sigurisë, shërbimeve shëndetësore, mbrojtjes së turistëve nga kërcënimet e ndryshme. Që nga mjetet e ujit, që këtë vit do të kufizohen në mënyrë drastike, deri te kërcënimi i mjediseve nga zjarret janë bërë hapa përpara. Ky do të jetë një vit kthese”, tha Rama.
Shefi i qeverisë ripërsëriti synimin për një sezon model, si kusht për thithjen sa më të madhe të masës turistike.
“Të kemi një sezon turistik të ndryshëm, shumë më të mirë, nga vitet e kaluara”, shtoi Rama. /tesheshi.com/
