Anatoli Chubais, i cili dha dorëheqjen si i dërguari special i Kremlinit për luftën në Ukrainë, po trajtohet në kujdes intensiv në Evropë për një çrregullim të rrallë imunitar që sulmon sistemin nervor, thanë për Reuters dy burime pranë Chubais.
Chubais, 67 vjeç, besohet se vuan nga sindroma Guillain-Barre, një sëmundje autoimune që dëmton sistemin nervor periferik, thanë burimet.
Nuk dihet saktësisht se ku ndodhet në Evropë Chubais, i cili u largua nga Rusia menjëherë pasi dha dorëheqjen në mars.
Reuters nuk ishte në gjendje të kontaktonte Chubais për koment.
Një burim i tha Reuters se ai “nuk mendon se është helmim”, ndërsa një tjetër tha se vetë Chubais mendon se është një sëmundje.
Politikani ishte një nga figurat më të shquara të tranzicionit kaotik në vitet 1990 dhe armiqtë e tij e portretizuan atë si një figurë të fuqishme në Kremlin, i cili i dorëzoi asetet një grupi të vogël oligarkësh gjatë privatizimit.
Nga ana tjetër, mbështetësit e portretizojnë atë si një hero për krijimin e një ekonomie tregu në Rusi dhe thonë se ai parandaloi një rrëshqitje në luftë civile.
Nën udhëheqjen e Putinit, ai mbajti disa poste të larta politike dhe ekonomike, dhe së fundmi ai ishte një i dërguar special për organizatat ndërkombëtare. /tesheshi.com/
