Inter rikthehet të marrë fronin në ligën italiane disa orë më pas. Nerazurrët vazhdojnë “zanatin” e vjetër: një gol, tre pikë.
Të besuarit e Roberto Mançinit triumfuan në udhëtim tek Empoli, me golin e vetëm të realizuar nga Mauro Icardi në fundin e pjesës së parë.
Fitore me rëndësi në udhëtim ka regjistruar edhe Fiorentina ndaj Palermos (3-1), e cila për disa orë mbajti vendin e parë në klasifikim. Viola iu gëzua këtij suksesi me golat e Josip Iliçië dhe Jakub Blaszczykowski.
Juventus është një tjetër skuadër që vazhdon të shkëlqejë me paraqitjet e saj në kampionatin italian. Kampionët në fuqi kanë rimarrë veten pas startit katastrofal dhe tani pas fitores ndaj Hellas Verona-s (3-0), ndodhen vetëm tre pikë larg kreut. Serinë e golave e hapi Paulo Dybala pas vetëm tetë minutave lojë, ndërkohë atë e vazhdoi Leonardo Bonucci dhe e mbylli Simone Zaza, në fundin e ndeshjes.
Roma bën një tjetër hap fals drejt titullit kampion, pasi në udhëtim nuk merr më shumë se një barazim tek Chievo Verona, (3-3). Edhe pse patën epërsinë prej dy golave, në fund u pajtuan të marrin vetëm një pikë nga ky takim.
Milan është një tjetër skuadër që nuk po kalon një krizë rezultatesh. Kuqezinjtë u mposhtën 1-0 në San Siro nga Bologna, që mori 3 pikët pas një goli në fund të Giaccherinit. /tesheshi.com/
