Inter-i ndalet sërish në një barazim 1-1, kësaj radhe në udhëtim tek skuadra e Atalanta-s. Sfida ka qenë mjaft interesante, me epilogun e ndeshjes që është vendosur nga autogolat. Secila skuadër realizoi nga një herë në portën e saj.
Ishte mbrojtësi kolumbian i nerazurëve, Jeison Murillo, që në minutën e 18, qëllon gabimisht në portën e tij, për t’u dhënë vendasve epërsinë. Vetëm shtatë minuta më pas tifozët e pranishëm shohin një “dejavu” nga goli i parë, veçse në krahun tjetër të portës. Rafael Toloi dërgoi topin aksidentalisht drejt rrjetës, për ta barazuar rezultatin e ndeshjes.
Vazhdimi i ndeshjes ishte pak i tensionuar, ku gjyqtari i ndeshjes, Nicola Rizzoli, u detyrua ta fusë dorën në xhep për të nxjerrë tetë kartonë të verdhë.
Përkundër përpjekjeve, skuadra e Roberto Mancini-t nuk ia doli të merrte më shumë se një barazim në Bergamo.
Pas këtij barazimi, Inter-i renditet përkohësisht në pozitën e dytë me 40 pikë, ndërkohë Atalanta gjendet në pozitën e 11, me 25 pikë të grumbulluara./tesheshi.com/
