Tre muaj më parë, serfisti i famshëm australian Mick Fanning, 34 vjeç, shpëtoi për mrekulli nga sulmi i një peshkaqenit gjatë kohës që garonte mes dallgëve. Prej tij mori frymëzim rrjeti i fast food-ve, KFC për spotin publicitar të transmetuar në Afrikën e Jugut, ku Fanning i shpëtoi vdekjes.
Në reklamë, sozia i tre herë kampionit të botës në serf mban veshur të njëjtën veshje të sportistit, duke kaluar dallgën, ndërsa ngre si triumfator një peshkaqen. Por kjo ironi nuk u vlerësua shumë nga nëna e sportistit, e cila u ankua edhe në WSL (World Surf League) duke kërcënuar një ankesë ligjore, në respekt të gjithë viktimave të sulmeve analoge.
“Ka shumë familje që vuajnë për të dashurit e tyre të vdekur ose të gjymtuar”, deklaroi zonja Elizabeth Osburne raportoi dje BBC. Ajo nënvizon se reklama risjell në kujtesë një ngjarje traumatike që ndoshta askush nuk do donte ta përjetonte sërish, duke nisur nga djali i saj./tesheshi.com/
