Serbia ka nisur t’i trembet faktit se një riaplikim i Kosovës për t’u anëtarësuar në UNESCO mund t’i hapë sërish telashe, deri në pranim, gjë që do e irritonte tej mase Beogradin, sidomos pas pranimit të Kosovës në FIFA dhe UEFA.
Siç informojnë disa media kosovare, ambasadori serb në UNESCO, Darko Tanaskoviç ka thënë se “në rast se Kosova bëhet anëtare e UNESCO-s, kjo do të kishte pasoja për identitetin serb dhe trashëgiminë kulturore”. Deklarata e zyrtari të Beogradit është bërë gjatë një interviste të tij “Jedinstvo”-në, ku ai ka Tanaskoviç ka thënë se në rast njohjeje, në dokumentet e UNESCO-s kisha, manastiret dhe përmendoret serbe do të njihen si të mira kulturore të Kosovës e jo më të Serbisë.
Dy vjet më parë, Kosova dështoi të pranohej në UNESCO, e konsideruar kjo si një disfatë e rëndë e diplomacisë së Prishtinës, edhe pse e mbështetur fort dhe nga Tirana. Por pranimi në dy organizmat e larta të futbollit botëror, FIFA dhe UEFA, ia ka hapur sërish oreksin dhe e ka riaktivizuar në kërkesën për të qenë pjesë e UNESCO-s. Dhe reagimi i Beogradit në këtë rast është akoma më i ashpër, pasi Serbia e ka patur “argumentin dhe trashëgimor dhe kulturor” si parësorët në pretendimin e Kosovës si pjesë e saj. /tesheshi.com/
