Një incident që ndodhi sot mes delegacionit kosovar dhe delegacionit serb bëri që të anulohet konferenca mbi Klimën në Ballkanin Perëndimor. “Aksioni Rajonal mbi Klimën në Ballkanin Perëndimor” ishte planifikuar të zhvillohej në orën 10:00.
Problemet filluan kur delegacioni serb refuzon të ulet përballë atij kosovar, si të ftuar të barabartë në këtë konferencë të rëndësishme.
Në anën tjetër, Kosova ka refuzuar që të përfaqësohet nën logon UNMIK-ut, duke argumentuar se vendi ka simbolet e veta shtetërore.
Në një prononcim për media, Ministri i Mjedisit të Kosovës Fatmir Matoshi u shpreh se askush nuk duhet të ëndërrojë që ta përjashtojë Kosovën nga ulësja që i takon.
Ngjarja kishte mbledhur në Tiranë ministrat nga mjedisi nga Shqipëria, Kosova, Serbia, Mali i zi, përfaqësues të lartë përgjegjës për mjedisin dhe klimën në rajon, si dhe donatorë. /tesheshi.com/
