Serbia ka pranuar të pezullojë fushatën për tërheqjen e njohjes së pavarësisë së Kosovës, konfirmuan për gazetarët burime diplomatike në Bruksel, sipas njw raportimi nga Radio Evropa e Lirë.
Eshtë thënë gjithashtu se autoritetet në Serbi dhanë pëlqimin e tyre në mënyrë që të kontribuojnë në atmosferën për një fillim të ri të dialogut për normalizimin e marrëdhënieve midis Kosovës dhe Serbisë.
“Si pjesë e vullnetit të mirë për të krijuar një atmosferë të favorshme për vazhdimin e dialogut, palët në Beograd kanë rënë dakord të mos e vazhdojnë këtë fushatë,” konfirmoi një burim i lartë diplomatik në Bashkimin Evropian për gazetarët.
Normalizimi gjithëpërfshirës i marrëdhënieve
Një zyrtar i lartë i BE që merret me procesin e dialogut theksoi se fushata e Serbisë është një “çështje irrituese”.
“Ne kemi nevojë për të ndërtuar një moment pozitiv, jo të irritojmë njëri-tjetrin,” tha ai.
Numri i vendeve që tërhoqën njohjen e pavarësisë së Kosovës, e cila u shpall në vitin 2008, si rezultat i përpjekjeve diplomatike të Serbisë, është i panjohur.
Qëllimi përfundimtar i dialogut Serbi-Kosovë, sipas formulimit zyrtar të BE-së, duhet të jetë normalizimi gjithëpërfshirës i marrëdhënieve.
Brukseli, jo zyrtarisht i tha medias serbe se ishte “i qartë” dhe shprehu shpresën se do të arrihet brenda disa muajve.
BE është këtu për të ndihmuar në dialog
I pyetur nëse BE-ja, si ndërmjetësi kryesor në dialog, merr në konsideratë faktin se Serbia duhet të pajtohet me një zgjidhje për normalizimin gjithëpërfshirës, Brukseli tha se Serbia dhe Kosova do të bien dakord për “atë që ata duan të bien dakord”, dhe se BE atje për t’u ofruar atyre “stimuj, në mënyrë që ata të jenë të gatshëm të shkojnë para sa më shumë që të jetë e mundur”.
“Ne nuk po i bëjmë presion askujt. Nëse palët nuk janë të gatshme të arrijnë një marrëveshje, atëherë nuk do të ketë asnjë marrëveshje. Por pa një marrëveshje, nuk ka të ardhme evropiane,” tha zyrtari i lartë i BE.
Ai shton se çështja nuk është “një kërcënim, por prezantimi i dukshëm”, dhe kjo është se pa normalizim të plotë, as Serbia dhe as Kosova nuk mund “as të ëndërrojnë të hyjnë në BE”.
Në Bruksel, ata insistojnë që BE dëshiron të pranojë Serbinë dhe Kosovën në anëtarësim dhe kjo është arsyeja pse dëshiron t’i ndihmojë ata të zgjidhin problemin e tyre të ndërsjelltë.
Një çmim tërheqës për një marrëveshje
“Ekzistojnë elementë të procesit që do të diskutojmë me partnerët në Beograd dhe Prishtinë dhe me vendet anëtare. Nuk do të jetë e lehtë, por ne e dimë se cili është shpërblimi përfundimtar për marrëveshjen, dhe është tërheqës”, përfundoi zyrtari i BE-së.
Shtohet se nëse Kosova dhe Serbia arrijnë në një “marrëveshje fillestare”, BE-ja duhet të “përmbushë” pjesën e saj të detyrimit.
Për të harmonizuar pozicionet dhe proceset për vazhdimin e dialogut, Përfaqësuesi Special i BE-së për Dialogun Serbi-Kosovë, Mirosllav Lajçak planifikon të vizitojë Beogradin dhe Prishtinën deri në fund të qershorit.
Brukseli shtoi se nuk u tregua se një raund i ri dialogu do të zhvillohej në qershor, por qëllimi ishte që ta organizojnë atë “pa vonesë”.
Theksohet se Presidenti i Serbisë, Aleksandar Vuçiq, tashmë ka shprehur gatishmërinë e tij për t’iu përgjigjur ftesës për të vazhduar dialogun, por pret që qeveria e re e Kosovës të emërojë një kryenegociator të ri dhe ekipin e tij negociues.
Thaçi nuk do të shkojë në Bruksel për shkak të Lajçakut
Pasi Presidenti i Kosovës Hashim Thaçi refuzoi të marrë pjesë në një dialog të ndërmjetësuar nga Miroslav Lajcak, “sepse ai nuk e njeh pavarësinë e Kosovës”, Brukseli tha se ishte një lloj “loje taktike” dhe tha se Thaçi ishte “i mirëpritur” për t’u bashkuar dialogu në vazhdimin e tij.
“Ne presim një proces intensiv, sepse nuk duhet të humbim kohë. Ne presim që një zgjidhje të arrihet në muajt e ardhshëm, e jo që procesi të zvarritet për një kohë të pacaktuar. Nëse palët janë të gatshme, siç sinjalizojnë se janë, atëherë mund të përfundojë brenda disa muajve”, deklaron një zyrtar i lartë i BE-së.
Në Bruksel, ata shpjegojnë se rezultati i dialogut “nuk është vetëm në duart e përfaqësuesve të Kosovës dhe Serbisë”, por se ai është kryesisht “në duart e BE dhe vendeve anëtare”.
Shtohet se ideja e shkëmbimit të territoreve si një zgjidhje për normalizimin e marrëdhënieve është “e pranishme”, por gjithashtu se ka shumë “reagime negative, madje edhe frikë”.
Askush nuk dëshiron një shkëmbim territoresh
Shtohet se “shumë” shtete anëtare janë të qarta në kundërshtimin e një zgjidhjeje të tillë, dhe se “asnjë” nuk ka folur në favor të saj.
“Ideja është të promovojmë pajtimin, të qetësojmë dhe të stabilizojmë situatën në rajon dhe çdo shkëmbim territori do të bënte të kundërtën. Unë mendoj se ideja e shkëmbimit të territorit u hoq nga tavolina, sepse është e rrezikshme dhe do të përfaqësonte hapjen e një “Kutie të Pandorës'”, tha zyrtari i BE-së.
Në Bruksel, ata insistojnë që normalizimi i marrëdhënieve midis Serbisë dhe Kosovës duhet të bazohet në një “zgjidhje moderne për shekullin XXI” dhe vlerësojnë se “shkëmbimi i njerëzve dhe territorit nuk është e tillë”. /tesheshi.com/
