Një delegacion kroat ka ndërprerë menjëherë vizitën në Serbi pas incidentit ku Vojislav Sheshel dogji flamurin e Kroacisë.
Bëhet fjalë për një grup parlamentarësh të Kroacisë të cilat e kanë cilësuar ngjarjen si një skandal ku duhet të mbajë përgjegjësi Beogradi.
“Qëllimi ynë ishte që të promovojmë marrëdhëniet e mira mes dy vendeve, por ngjarja e djeshme ishte një skandal i papranueshëm dhe ofendim për tërë popullin kroat”, theksoi Goran Jandrokoviç, kryetari i parlamentit kroat.
Akti ka shkaktuar një skandal të vërtetë diplomatik mes dy vendeve dhe kreu i parlamentit serb, Maja Gojkoviç, deklaroi se djegia e flamurit nga Sheshel ishte “një vepër barbare që rrezikon të kthejë prapa vite e vite procese ripajtimi dhe stabilizimi të imazhit të Serbisë”.
Aktin e ka dënuar edhe kryeminisrja serbe Ana Brbabiç, e cila telefonoi homologun kroat duke i ka kërkuar një ndjesë në emër të qeverisë dhe popullit serb. /tesheshi.com/
