Beogradi ka reaguar ashpër ndaj vendimit të Gjykayës së Apelit të Kosovës për të ridërguar në burg, eksponentin politik të serbëve të Mitrovicës së Veriut, Oliver Ivanoviq.
Ka qenë shumë i ashpër reagimi për Ivanoviqin, madje edhe më shumë sesa për rrëzimin e Zajednicës për Gjykatën Kushtetuese.
Marko Gjuriq, ministri serb për Kosovën, tha se “Kosova po torturon të burgosurin politik
Oliver Ivanoviq, i cili u kthye në burg pa të drejtë”.
Gjuriq tha se vendimi është i pajustifikueshëm dhe nuk respekton asnjë standard normal demokratik.
Sipas deklaratës që shpërndau përfaqësuesi i Beogradit për Kosovën: “Sot ranë të gjitha maskat dhe u shfaq para syve tanë dhuna dhe mungesa e argumentit. Kjo tregon standardin që përjetojnë serbët e Kosovës”.
Në fakt, Serbisë i ka djegur shumë dënimi i Ivanoviqit, pasi mund të jetë precedent për sërën më të lartë të kriminelëve që dhunojnë e gjallojnë në veriun e Kosovës. Oliveri ishte vetëm zëdhënësi i tyre…
/tesheshi.com/
