Një protestë e madhe është zhvilluar në qytetin e madh të Nishit në Serbi, kundër afrimit të Serbisë me NATO. Sipas fjalëve të organizatorëve nga lëvizja “Zavetnici” dhe Lëvizja Patriotike e Serbisë në këtë aksion morën pjesë rreth 4 mijë veta. Pjesëmarrësit mbajtën pankarta kundër NATO-s dhe të tilla me portretin e presidentit rus Vlladimir Putin. “Ligji i pranuar për bashkëpunim me NATO nuk është një ligj, por është kapitullim”, tha lideri i Lëvizjes Patriotike të Serbisë Bratisllav Dikiq, duke nënvizuar se ky ligj kërcënon sovranitetin e shtetit.
Pjesëmarrësit në protestë insistojnë për organizimin e një referendumi të lidhur me bashkëpunimit midis Serbisë dhe NATO-s. /tesheshi.com/
