Serbët nga veriu i Kosovës po kalojnë sot në barrikada për të 16-tën ditë me radhë, duke kërkuar që autoritetet kosovare të lirojnë Dejan Pantiçin, Miljan Axhiçin dhe Sllagjan Trajkoviçin dhe të tërheqin forcat speciale të policisë, transmeton agjencia Beta. Në të njëjtën kohë, mediat kosovare kanë raportuar se janë ndërruar policët që prej dy javësh janë të bllokuar në Leposaviq për shkak të barrikadave në veri.
Siç raporton Radiotelevizioni i Serbisë (RTS), gjatë natës janë dëgjuar dy shpërthime, por nuk raportohet për dëme materiale dhe me gjasë bëhet fjalë për lëndë piroteknike.
Serbët kërkojnë lirimin e “arrestimeve të pabaza, tërheqjen e listave sekrete për arrestimin e serbëve dhe tërheqjen e njësive shkopinj gome dhe autoblinda nga veriu i Kosovës, me garanci nga KFOR-i se këto njësi nuk do të vijnë në në veri”.
Kryeministrja e Serbisë, Ana Brnabiç, tha se nuk beson në një skenar në të cilin policia e Kosovës me forcë heq barrikadat në veri të Kosovës, sepse do të ishte sulm ndaj grave dhe fëmijëve dhe të moshuarve.
Serbët në veri të Kosovës janë të mërzitur për shkak të informacioneve se pjesëtarët e KFOR-it dhe EULEX-it kanë sjellë forcat speciale të policisë së Kosovës me shkopinj gome në Leposaviq, sipas RTS. /tesheshi.com/
