Ministria e Jashtme e Kosovës ka dënuar ndërtimin e një kishe ortodokse në Batajnica afër Beogradit, afër vendit të një varri masiv, në të cilin u gjetën trupat shqiptarësh të Kosovës.
Deklarata vlerësoi se ishte “një veprim përçmimi dhe mosrespektimi ndaj viktimave shqiptare”, raporton Tanjug.
“Ministria e Punëve të Jashtme dënon aktin e ndërtimit të një kishe ortodokse në Batajnica, afër vendndodhjes së varrit masiv, ku u gjetën kufomat e më shumë se 700 shqiptarëve të vrarë në 1999 nga ushtria dhe policia serbe”, thuhet në deklaratë.
Amnistia dhe pllaka përkujtimore
Ajo shtoi se nuk mund të ketë marrëveshje paqeje dhe pajtimi midis Serbisë dhe Kosovës derisa Serbia të pranojë krimet e kryera kundër shqiptarëve në Kosovë dhe të kërkoi falje për ato krime, si dhe derisa të ndëshkojë shumë kriminelë lufte që u amnistuan.
“Në vend që të ngrejë një pllakë përkujtimore për viktimat e pafajshme të varrosura në këtë vend, në përpjekje për të mbuluar krimin e shtetit, Serbia vazhdon të provokojë me akte të tilla dhe refuzon të flasë për fatin e më shumë se 1.600 shqiptarëve të tjerë të humbur gjatë luftës”, thuhet në deklaratë. /tesheshi.com/
