Një shoqatë serbe mendon se gërmimi për varrezë masive te kisha ortodokse në kampusin e Universitetit të Prishtinës është pretekst për ta rrënuar kishën.
“Gërmimi për varrezën masive pranë kishës ortodokse, të cilën mediet e Beogradit e quajnë “Tempulli i Krishtit Shpëtimtar” (ndërtuar nga ish – regjimi i Milosheviqit në kampusin e Universitetit të Prishtinës) që duhet të fillojë të mërkurën, më 13 korrik, te serbët, siç shkruan gazeta e Beogradit, Veçernje Novosti, po e vazhdon nxitjen e dyshimeve në qëllimet e sinqerta të Qeverisë së Kosovës, transmeton Koha.net.
Shoqata e familjeve të serbëve të zhdukur e të rrëmbyer, por edhe përfaqësues politikë serbë, dyshojnë se kështu, me të gjitha mënyrat po minohen themelet e tempullit ortodoks që gjendet në qendër të qytetit, i cili, sipas kësaj shoqate, është në shënjestër të shqiptarëve.
“Natyrisht se jemi të interesuar që të gërmohet çdo lokacion që dyshohet të ketë trupa të të vrarëve gjatë luftës në Kosovë, qofshin serbë a shqiptarë, por nuk duam që dhembjen dhe pikëllimin tonë ta keqpërdorin për qëllime politike pasi i dimë sulmet e deritashme në tempullin Krishti Shpëtimtar. Kjo është njësoj sikur ne të pohonim se në xhami ose pranë xhamive gjenden eshtra të serbëve e të gjithë e dimë se sa xhamia është ndërtuar nga viti 1999 deri më tash”, ka thënë Milorad Trifunoviq, koordinator i shoqatës. /tesheshi.com/
