Presidenti Donald Trump është i interesuar për të zgjidhur çështjen e Kosovës – tha senatori republikan dhe Kryetar i Nënkomitetit për Evropën të Senatit, Ron Johnson.
Ai, duke folur për Zërin e Amerikës, komentoi ndryshimet e dukshme në politikën amerikane ndaj Serbisë dhe Kosovës, dhe kur u pyet nëse Trump është personalisht i interesuar për ta zgjidhur këtë çështje, u përgjigj:
“Po. Kjo administratë është e interesuar. Tri herë kam udhëtuar në Ballkan, sepse unë kam qenë i inkurajuar nga ndihmëssekretari i shtetit Wess Mitchell. Njerëzit në Serbi dhe në Kosovë duhet të jetë i sigurt se kjo administratë, Senati, Kongresi, janë të etur për një zgjidhje. Presidenti Trump ka një qasje pak të ndryshme në zgjidhjen e disa çështjeve, të menduarit jashtë kornizës së përcaktuar. Por, ne e pranojmë se sa e rëndësishme është Ballkani dhe sa i rëndësishëm është stabiliteti në këtë rajon”, tha Johnson.
Ai përsëriti se Shtetet e Bashkuara nuk vendosin “vija të kuqe” kur është fjala për zgjidhjen e çështjes së Kosovës dhe për të inkurajuar udhëheqësit mbi marrëveshjen, por theksoi se nuk do të jetë e lehtë apo e shpejtë.
“Ne duam të bëjmë gjithçka që mundemi për të inkurajuar dhe për të mundësuar që palët të zgjidhin mosmarrëveshjen e gjatë dhe të arrijnë një marrëveshje që do të garantonte stabilitet në Ballkan”, tha Johnson.
Kur u pyet se si është e mundur për të arritur një zgjidhje, nëse tensionet që shpesh rriten, Johnson u përgjigj: “le të shpresojmë se këto incidente mund të minimizohen, që të dy udhëheqësit të vazhdojnë dialogun dhe kërkimin e një zgjidhjeje Amerika është atje për t’i mbështetur ata dhe për t’u dhënë atyre hapësirë. Marrëveshja duhet të arrihet nga dy qeveri dhe askush nuk mund të imponojë asgjë mbi to”, shtoi zyrtari i lartë amerikan. /tesheshi.com/
