Fëmijët normalisht janë përplot gjallëri dhe kanë një energji të pakufishme, por një sëmundje e rrallë bën që ata të plaken me shpejtësi, duke i kthyer në “lëkurë të vjetër e të tharë”. Kjo sëmundje quhet progeria.
Një nga pak fëmijët në botë që vuan nga progeria është Mohammed Abdelmajeed nga Siria. Pavarësisht se vetëm 7 vjeç, ai tashmë duket si një plak.
Në video, Mohamed thotë: “Kur dal përjashta, njerëzit më shikojnë mua, qeshin me mënyrën se si dukem, andaj kthehem në shtëpi dhe filloj të qaj” Prindërit e tij madje kanë hequr të gjitha pasqyrat brenda shtëpisë së tyre, për të parandaluar zemërimet dhe shpërthimet e çastit (tantrumët), sa herë që e sheh veten e tij.
Përveç deformimeve të tij fizike, ai gjithashtu vuan edhe nga lodhja, si të ishte një njeri i moshuar.
Familja e Mohamedit është detyruar të emigrojë në Turqi, për shkak të luftës në Siri në vitin 2016.
Sipas Fondacionit Progeria Research Foundation, progeria është një çrregullim gjenetik që shkakton plakjen e përshpejtuar tek fëmijët. Kjo është sëmundje e rrallë, që prek vetëm 1 në 20 milion fëmijë.
Shumica e fëmijëve që vuajnë nga progeria vdesin nga komplikimet e zemrës. Prognoza mesatare e jetës për fëmijët që kanë progeria është 14 vjet. /tesheshi.com/
