Presidenti i FIFA-s, Gianni Infantino, buzëqeshi dhe realizoi një selfie me një tifoz pranë arkivolit të hapur të Peles, duke shkaktuar reagime nga publiku.
Ai udhëtoi në Brazil për të marrë pjesë në funeralin e lojtarit më të madh të të gjitha kohërave dhe me të mbërritur në stadiumin Santos ku ndodhet aktualisht arkivoli i Peles, Infantino ndau mendimet e tij dhe idenë e pazakontë.
“Ne do t’u kërkojmë të gjitha vendeve në botë që të riemërtojnë një nga stadiumet e tyre të futbollit dhe ta emërojnë atë me emrin Pele,” tha Infantino.
Një Infantino i buzëqeshur ka pozuar vetëm pak metra larg arkivolit të Peles me disa ish-lojtarë të Santos, ish-shokët e skuadrës së brazilianit legjendar. Fotot tregojnë Manoel Maria, 74 vjeç dhe Lima, 80 vjeç.
Presidenti i FIFA-s tha se ishte i tmerruar që u kritikua për selfien para arkivolit të Peles, duke shpjeguar se një gjë të tillë i ishte kërkuar nga anëtarët e familjes së të madhit brazilian. /tesheshi.com/
