Një shqiptar, resident në Itali, 24 vjeç, dhe një shtetas italian 63 vjeç u arrestuan nga Guardia di Finanza në zonën e San Benedetos, teksa përpiqeshin të transportonin rreth 2 tonë marjuanë.
Sasia e drogës së sekuestruar, nuk ka lidhje me Shqipërinë, ndërsa trafikantët që zbarkuan drogën në bregun e detit, nuk arritën të kapeshin nga policia.
Operacioni anti-drogë nisi të premten në darkë dhe përfundoi mëngjesin e sotëm, me sekuestriimin e 2322 kilogramë marijuanë . Të dy të arrestuarit ishin në bordin e një furgoni dhe po shkonin drejt grykës së Trontos, gati për të transportuar lëndën narkotike që po vinte me gomone nga persona të tjerë.
Ndërkohë, në nje reagim të policisë së Shtetit shqiptar, thuhet se “gomonia oqeanike ka mundur të shkarkojë në breg të detit lëndën narkotike dhe është larguar në ujërat detare mes Kroacisë dhe Malit te Zi duke i shpëtuar ndjekjes së skuadrave të Guardia di Finanzës”.
Skuadrat e GdF në afërsi të bregut në zonën e San Benedetos kanë sekuestruar lëndën narkotike të hedhur nga gomonia dhe 625 litra benzinë, si dhe kanë arrestuar dy persona të cilët ishin me një furgon gati për të transportuar lëndën narkotike, konkretisht: shtetasi shqiptar rezident në Itali K.D, 24 vjeç dhe shtetasi italian R. A. 63 vjeç.
“Vijojnë hetimet e përbashkëta Itali -Kroaci-Mal i Zi dhe Shqipëri, ku ka një shkëmbim intensiv të informacioneve me policinë italiane dhe Guardia di Finanza për hetimin e rastit, por nuk ka elemente që lidhin këtë rast trafikimi me Shqipërinë.
Gomonia ka mundur t’i shpëtojë ndjekjes që ka zgjatur disa orë derisa ka humbur gjurmët në ujërat mes Kroacisë dhe Malit të Zi. Vijon kontrolli në det për gjetjen e gomones dhe arrestimin e trafikantëve”, thuhet në njoftimin zyrtar të Policisë së Shtetit. /tesheshi.com/
