Amerika është më shumë se Uashingtoni apo një lider i vetëm – tha Arnold Schwarzenegger në Konferencën e Kombeve të Bashkuara për Ndryshimet Klimatike.
Aktori amerikan dhe njëherësh ish-guvernatori i Kalifornisë, pretendon se SHBA është ende në Marrëveshje e Parisit për uljen e ngrohjes globale pavarësisht vendimit të Presidentit Trump për ta braktisur atë.
“Amerika është më shumë se Uashingtoni apo një udhëheqës i vetëm”, i tha Schwarzenegger në Konferencës së OKB-së për Ndryshimet Klimatike që po mbahet në qytetin polak të Katovicës.
Ai tha se Trump ishte “i çmendur” që vendosi të braktiste Marrëveshjen Klimatike të vitit 2015.
Schwarzenegger tha se udhëheqësit botërorë duhet të ftohen në një konferencë vitin e ardhshëm dhe njoftoi se ai do të ishte së bashku me ta, duke përdorur thënien e famshme të një filmi të tij: “Nëse ju e bëni, unë ju premtoj: do të kthehem”. /tesheshi.com/
