Të hënën, në COP27 në Egjipt, kancelari gjerman Olaf Scholz kundërshtoi me vendosmëri çdo “ringjallje botërore të burimeve të energjisë fosile”.
“Nuk duhet të ketë ringjallje të energjive fosile në botë. Në emër të Gjermanisë, unë them: Nuk do të ketë një të tillë”, tha Scholz, vendi i të cilit është ndër emetuesit më të mëdhenj evropianë të gazeve serrë, në samitin e klimës në Sharm el-Sheikh.
“Për ne është më shumë se kurrë e qartë se e ardhmja i përket energjisë së erës, diellit dhe hidrogjenit të gjelbër”, shtoi kancelarja gjermane.
Termocentralet e hapura
Pushtimi rus i Ukrainës dhe pasojat e tij për furnizimet me energji në Gjermani e shtynë Berlinin të hapte përkohësisht termocentrale me qymyr. Por ata do të funksionojnë, theksoi Scholz, vetëm “për një kohë të shkurtër”.
“Ne jemi të vendosur të braktisim qymyrin,” tha kancelari socialdemokrat, kreu i koalicionit që përfshin të Gjelbërit dhe Liberalët.
Qeveria gjermane ka vendosur të zgjasë funksionimin e disa termocentraleve me qymyr deri në pranverën e vitit 2024, por objektivi i paracaktuar për të braktisur këtë lloj energjie deri në vitin 2030 është ende në fuqi.
Një imperativ sigurie
Scholz mendon se kalimi në burimet e rinovueshme të energjisë “nuk është vetëm klimatik, ekonomik dhe ekologjik”, por edhe një “imperativ sigurie”, i cili mbështetet nga varësia e Gjermanisë nga burimet ruse të energjisë.
“Për shkak të gjithë kësaj, detyra kryesore e epokës sonë është edhe më urgjente, që është kufizimi i ngrohjes së planetit në 1.5 gradë”, shtoi lideri gjerman, i cili beson se vendi i tij “deri në vitin 2045”. të jetë neutral ndaj karbonit. /tesheshi.com/
