Kancelari gjerman Olaf Scholz dhe presidenti amerikan Joe Biden patën një telefonatë mes tyre të dielën.
Ata ranë dakord se kërcënimet e fundit bërthamore që vijnë nga Rusia ishin “sjellje e papërgjegjshme” dhe se mobilizimi i pjesshëm i urdhëruar nga presidenti rus Putin ishte një “gabim serioz”, tha qeveria gjermane në një deklaratë, transmeton Reuters.
Të dy liderët zhvilluan një bisedë telefonike pothuajse një orëshe, e fokusuar në përgatitjet për takimet e ardhshme të G7 dhe G20 që do të trajtojnë pushtimin rus të Ukrainës, si dhe pasojat e tij, thuhet në deklaratë.
Scholz dhe Biden ranë dakord se vendet e tyre nuk do ta njihnin kurrë aneksimin e territoreve të Ukrainës nga Rusia, duke e quajtur atë një përshkallëzim të mëtejshëm. /tesheshi.com/
