Ish-presidenti francez është takuar sot në Berlin me kancelaren gjermane Angela Merkel, duke kërkuar një përpjekje të përbashkët franko-gjermane për një traktat të ri europian pas referendumit në Britani për qëndrimin ose jo në BE.
“I thashë kancelares se për ta shpëtuar Europën duhet një iniciativë franko-gjermane në muajt e ardhshëm, me një traktat të ri, që t’u tregojë 450 milionë europianëve se i kemi dëgjuar çka po thonë, që e kemi kuptuar si po ndjehen,” deklaroi Sarkozy pas takimit me Merkel-in.
Ai do t’u thoshte gazetarëve: “Europa ka nevojë për udhëheqje, Europa ka nevojë të marrë iniciativa, Europa ka nevojë për ide të reja.”
Ish-drejtuesi i shtetit francez ka theksuar rëndësinë e udhëheqjes së BE-së nga Franca dhe Gjermania.
“Cili është problemi sot? Nuk ka udhëheqje, sepse në çiftin francezo-gjerman, francezi po mungon.” /tesheshi.com/
