Bashkimi Evropian ka vendosur të mos mbështesë fuqizimin e sanksioneve amerikane kundër Rusisë, tha kryeministri i Belgjikës, Charles Michel pas bisedimeve me kryeministrin rus Dmitri Medvedev.
“Ka një numër mosmarrëveshjesh midis Rusisë dhe BE-së, megjithatë, duhet të hapet dialogu për të ndërtuar marrëdhënie strategjike dhe të besueshme, dhe për të pasur mundësinë për të korrigjuar dallimet”, tha Michel.
Ai tha se Rusia dhe BE-ja do të paguajnë një çmim të lartë nëse nuk garantohet stabilitet.
“Është e nevojshme të flitet jo vetëm për çështjet që dalin nga kufijtë lindorë të BE-së, por edhe për zhvillimet në kufijtë jugorë të BE-së”, tha ai.
Departamenti i Thesarit të SHBA-së lëshoi të ashtuquajturën “Putin List”, ku u gjetën pothuajse të gjithë anëtarët e qeverisë ruse, duke përfshirë edhe kryeministrin Medvedev.
Lista përmban 210 emra dhe është e ndarë në disa seksione: administrata presidenciale, kabineti i ministrave, udhëheqësit politikë dhe oligarkët.
Ndër sanksionet kryesore ndaj tyre përfshihet ndalimin e transaksioneve në SHBA. /tesheshi.com/
