Ukraina njoftoi se do të ndalojë kompanitë ajrore ruse në vendin e saj, si pjesë e sanksioneve mbi Moskën për mbështetjen që jep ndaj separatistëve në lindje.
Kievi tha se masat do të hyjnë në fuqi në datën 25 Tetor dhe do të përfshijnë kompanitë e mëdha ruse, Aeroflot dhe Transaero. Fluturimet tranzit, do të ndalohen gjithashtu nëse avionët transportojnë personel ushtarak.
Moska e përshkroi këtë masë të Ukrainës si një “veprim të marrë” duke premtuar edhe një përgjigje të ashpër.
Gjithsesi, palët kanë nënshkruar marrëveshje për furnizimin me gaz natyral të Ukrainës për dimrin që po afron, pas negociatave shumë të vështira.
Marrëveshja e ndërmjetësuar nga BAshkimi Europian u nënshkrua në Bruksel, por kërkon procedura të tjera përpara se të jetë përfundimtare.
Konfliktet për gazin në të kaluarën mes Rusisë dhe Ukrainës kanë sjellë ndërprerje dhe shqetësime të mëdha për Europën, furnizimi i së cilës kalon përmes Ukrainës. /tesheshi.com/
