Presidenti iranian Hassan Rouhani ia ka vlerësuar si “absurde” thirrjet e Shteteve të Bashkuara për të negociuar, ndërsa vendi tij është ballafaquar me nisjen e sanksioneve të reja ekonomike.
“Negociatat me sanksione nuk kanë kuptim. Ata vendosin sanksione mbi fëmijët iranianë, të sëmurët dhe të gjithë kombin”, tha Rohuani në një intervistë televizive.
Administrata amerikane thotë se mënyra e vetme që Irani të shmang sanksionet, është dakortësia e saj për negociatat e reja rreth programit bërthamor dhe balistik.
“Ne jemi gjithmonë për diplomaci dhe negociata, por për këtë ne kemi nevojë për sinqeritet”, tha Rouhani.
“Shtetet e Bashkuara përsëri imponojnë sanksione ndaj Iranit dhe braktisin marrëveshjen 2015 dhe pastaj dëshiron të negociojë me ne. Thirrja e Trump për bisedime të drejtpërdrejta është vetëm për konsumin e brendshëm para zgjedhjeve të SHBA dhe për krijimin e kaosit në Iran”, shtoi ai. /tesheshi.com/
