Kandidatët për presidentë nga radhët e demokratëve, Bernie Sanders dhe Joe Biden, përleshen për politikën e jashtme dhe tregtinë në debatin e Iowa, duke theksuar ndryshime të mprehta mes tyre ndërsa luftojnë për një nominim demokratik për Shtëpinë e Bardhë, tre javë para zgjedhjeve të para.
Në debat, dy kandidatë shprehën pikëpamjet e tyre për çështje të tilla si miratimi i pjesëmarrjes në luftën në Irak dhe forcimi i marrëveshjeve tregtare.
Debati u zhvillua ndërsa sondazhet e zgjedhjeve tregojnë për një luftë shumë të ngushtë midis katër kandidatëve – Biden, Sanders, Elizabeth Warren dhe Pete Buttigiega.
Sanders kritikoi Biden për mbështetjen e luftës në Irak.
“Unë bëra gjithçka munda për të parandaluar luftën. Joe i sheh gjërat ndryshe”, tha Sanders.
Biden, një ish-kryetar i Komitetit të Marrëdhënieve me Jashtë të Senatit, pranoi se votimi ishte “një gabim i madh” dhe tha se si zv/presidenti, Barack Obama dhe ai punuan për të sjellë trupat në shtëpi.
“Ishte gabim të besosh se ata nuk donin të shkonin në luftë”, tha Biden.
“Ishte një votë e gabuar, por unë mendoj se bëra më të mirën që mundem” shtoi ai.
Kur bëhet fjalë për tregtinë, Sanders tha që Biden dhe ai kanë “ndryshime thelbësore” në pikëpamjet mbi vlerën e një marrëveshje rajonale të tregtisë së lirë, siç është një marrëveshje e re e Trump me Meksikën dhe Kanadane quajtur USMCA, të cilën Sanders kundërshton, dhe Biden mbështet.
“Unë nuk e di se ka ndonjë marrëveshje tregtare që senatori mund ta kuptojë”, tha Biden.
Sanders tha se marrëveshjet ishin “të shkruara vetëm për një arsye, dhe kjo do të thotë të rriten fitimet e korporatave të mëdha shumëkombëshe”. /tesheshi.com/
