Komisioneri për Zgjerimin Oliver Varhelyi shpalli në Tiranë, në kuadër të samitit BE-Ballkan Perëndimor organizuar nga kryeministri Rama, shifrën prej 30 miliard euro investime për rajonin, të cilat do të financohen nga Brukseli.
Por kusht, edhe pse i pathënë, mbetet Schengeni rajonal
“Ne e shohim një angazhim dhe përkushtim të udhëheqësve për të krijuar tregun e përbashkët rajonal. Nuk kemi arritur aty ku dëshirojmë, por duhet të arrijmë atje deri në korrik, kur të kemi samitin e radhës.
Po shikojmë rezultatet e para që po ndryshojnë jetë qytetareve me marrëveshjen për lëvizjen pa tarifën Roaming, kjo është një arritje e madhe, do ketë të tjera që të lëvizin me ID, njohja e diplomave, heqja e lejes për punë, pra të gjithë këto gjëra do të bëjnë që bashkëpunimi në Ballkanin Perëndimorë t’u shërbejë qytetarëve.
30 mld euro në formë investimesh në rajon, ky nuk ka për të funksionuar nëse rajoni nuk funksionon si një i tërë, ky plan investimesh do japë rezultatet e veta nëse ky rajon punon në këtë treg rajonal”, tha zyrtari i lartë europian.
Rama nga ana e tij i mëshoi sësish këtij projekti të anatemuar nga një pjesë e faktorit shqiptar.
“Mbetemi të vendosur për projektin e Shengenit Rajonal, i cili është një projekt strategjik, me përfitim ekonomike, sociale por edhe politike për të gjithë rajonin tonë. Sinergjia me BE-në tashmë është e plotë.
Procesi i Berlinit ishte zanafilla dhe ne shpresojmë që ky proces të shkojë në duart e Komisionit Europian me dëshirën dhe ambicien që takimi i korrikut të jetë i fundit me formatin e deritanishëm dhe vitin e ardhshëm të jetë format nën kujdesin e KE me praninë edhe të vendeve të BE-së”, tha Rama ndër të tjera. /tesheshi.com/
