Ministri i Brendshëm italian dhe njëherësh zëvendëskryeministri Matteo Salvini, ka njoftuar se dy shoqata humanitare shpëtimi nuk do të lejojnë më emigrantët dhe refugjatët që të futen në portet italiane.
Fjala është për Sea-Watch dhe Mission Lifeline, shkroi kreu i Liga-s, partia e ekstremit të djathtë anti-emigrant.
“Ju duhet të dini se Italia nuk dëshiron më të ndihmojë në punën e emigracionit të paligjshëm, kështu që ata do të duhet të gjejnë porte të tjera (jo italiane) ku do të shkojnë”, shkroi Salvini në FB.
Ky vendim i tij vjen ditë pas atij që nuk lejoi që një anije me mbi 600 emigrantë të hynte në brigjet italiane, duke e lënë në det të hapur, për t’u marrë më pas nga Spanja. /tesheshi.com/
