Ne i duam shumë makaronat por salcat e nxehta nuk do t’i shijonin askujt, me këto temperatura, prandaj kemi gjetur një zgjidhje më të mirë për t’u kënaqur gjithmonë njësoj! Linda Fishta këshillon të mos e përdorni kremin e djathit vetëm për të lyer bukën, nëse e holloni me pak kos apo qumësht, do të kthehet në një salcë shumë të mirë makaronash.
Përbërësit për 4 persona:
450g makarona të shkurtra
4 kokrra domate
djathë Grana Padano i prerë në feta të holla
180g djathë Philadelphia
2 thelpinj hudhër (nëse dëshironi)
gjethe borziloku të freskët
kripë e vaj ulliri
ullinj pa bërthamë
Përgatitja:
1.Ziejmë makaronat në ujë me kripë.
2.Presim domatet në kubikë të vegjël dhe i vendosim në një tas ku shtojmë djathin Grana të prerë në feta të holla, Philadelphia-n, borzilokun, hudhrën e grirë imët, ullinjtë, vajin e ullirit dhe kripën. I përziejmë me kujdes dhe i lëmë mënjanë, që aromat të përzihen me njëra-tjetrën.
3.Kullojmë makaronat e ziera, i shpëlajmë me ujë të ftohtë dhe i përziejmë me sallatën që përgatitëm më sipër. /tesheshi.com/
