Drejtori sportiv i Paris Saint-Germain, Leonardo Arauja ka thënë se deri më tani nuk ka pasur ofertë konkrete nga Barcelona për brazilianin Neymar.
Leonardo, pas një ndeshje miqësore të PSG me Nuremberg, e cila përfundoi 1-1, tha se asgjë nuk ka ndryshuar në ditët e fundit në lidhje me transferimin e yllit brazilian.
“Asgjë nuk ka ndryshuar. Nuk ka oferta konkrete për Neymar. Ai ka një kontratë me ne dhe është lojtari ynë”, tha Leonardo.
Trajneri i PSG-së, Thomas Tuchel, ka thënë se kjo është një çështje e zgjidhur nga klubi dhe lojtari.
“Nesër do të stërvitet për herë të parë me ekipin. Ai e ka bërë këtë dhe individualisht”, tha Tuchel.
Sky njoftoi të enjten se Barcelona i ofroi PSG dy lojtarë plus 100 milionë euro për Neymar.
Braziliani kohët e fundit humbi përgatitjet e kampionit aktual të Francës, ndaj dhe u gjobit me 375 mijë euro. Ai gjithashtu informoi menaxhmentin e Paris Saint-Germain ai dëshiron të largohet nga klubi.
Neymar arriti në PSG nga Barcelona në një transferim rekord prej 222 milionë eurosh. Për “shenjtorët” ai luajti 58 ndeshje dhe shënoi 51 gola. /tesheshi.com/
