Saga e negociatave: Rama sfidon BE-në me mitin e Skënderbeut

Kryeministri Rama iu fal mitit të Skënderbeut në një lloj replikimi në distancë me BE, pas zhgënjimit të radhës  në mos’hapjen e negociatave.

“BE mund të caktojë detyra për integrimin, afate për to, data, por nuk cakton dot vendndodhjen tonë në mes të Evropën, as kulturën dhe identitetit tonë evropian, as të ardhmen tonë si popuj evropianë, në shtet evropiane, me standarde evropiane.

Shqipëria e ka bërë zgjedhjen e sa që në kohën e Skënderbeut; për shqiptarët dielli lind aty ku perëndon, e ardhmja jonë është aty ku Zoti na ka caktuar të kemi tokën tonë, në zemër të Evropës”, tha Rama nga Shkupi, ku morri pjesë në një forum ekonomik.

“Rastësia e solli që në të njëjtën ditë kur duhet të flisnim për atë që nuk ndodhi në Bruksel të jemi këtu në një forum të rëndësishëm ekonomik, besoj që kjo është një mundësi për të thënë se çfarë ndodh ose jo në Bruksel, jemi të vendosur të vazhdojmë të rrisim ekonominë, mirëqenien, krenarinë, dinjitetin e popujve tanë”, tha i pari i qeverisë shqiptare me në krah homologun maqedonas Zoran Zaev.

Kujtojmë se shkak për dështimin e radhes që Bullgaria, e cila ka mosmarrëveshje të tipit etnik me Maqedoninë.

“Për mua s’ka ndodh asgjë tjetër veçse që BE dështoi të mbaje premtimin t’i rrijë angazhimit dhe të jetë në qëndrimin e duhur. Jeta vazhdon dhe progresi do vazhdojë sepse nuk është i imponuar nga jashtë por brenda nesh, bashkëpunimi rajonal do vazhdojë me të gjitha shtetet e Ballkanit perëndimor që janë të gatshme të shtyjnë para, sepse ky rajon është i rrethuar nga kufijtë e BE dhe nëse nuk e ndryshojmë dot mënyrën e funksionimi të tyre në raport me ne, ne duhet të ndryshojmë mënyrën e funksionimit me njëri-tjetrin”, theksoi njeriu që qeverisë Shqipërinë. /tesheshi.com/