Barcelona fitoi mbrëmë Superkupën e Spanjës, duke mposhtur 5-2 Real Madridin në finalen e luajtur në Arabinë Saudite.
Klubi katalanas kështu fitoi trofeun e parë këtë sezon dhe me këtë fitore futi në arkën e saj rreth nëntë milionë euro.
Edhe pse Real Madridi kaloi në epërsi në lojë, Barcelona u përgjigj shpejt dhe shënoi katër gola në pjesën e parë. Pavarësisht se luajtën me një lojtar më pak nga minuta e 57-të, katalanasit vijuan të dominojnë dhe siguruan një fitore bindëse. Kjo ishte një tjetër fitore e madhe për skuadrën e drejtuar nga Hansi Flick, i cili me këtë fitore fitoi trofeun e parë në stolin e Barcelonës.
Barcelona me fitimin e Superkupës fitoi fondet e nevojshme, duke qenë se klubi ka kohë që ka probleme financiare. Edhe pse shifra prej nëntë milionë eurosh mund të duket relativisht modeste, për katalanasit ajo përfaqëson një ndihmë të konsiderueshme në stabilizimin e financave.
Nga ana tjetër, Real Madridi si finalist i Superkupës fitoi shtatë milionë euro dhe për madrilenët kjo disfatë paraqet një tjetër goditje në sezon. Mbretërorët kanë pësuar nëntë gola nga Barcelona në dy El Clasico. /tesheshi.com/
