Futbollisti i Paris Saint-Germain, Lionel Messi është sportisti më i paguar në botë në vitin e fundit, raportoi revista Forbes. Messi ka fituar 130 milionë dollarë pa taksave, prej të cilave 75 milionë i referohen pagës, ndërsa 55 milionë dollarët e mbetur i ka fituar nga sponsorizime të ndryshme.
Në vend të dytë është LeBron James, basketbollisti i Los Angeles Lakers, të ardhurat e të cilit janë 121.2 milionë dollarë, por pjesa më e madhe, ose 80 milionë dollarë, vijnë nga aktivitete josportive.
Cristiano Ronaldo është i treti për nga fitimet me 115 milionë dollarë. Ai paguhet 60 milionë, kurse 55 milionë dollarë të tjera i fiton nga sponsorët. Një tjetër futbollist pason në listë, Neymar, në vendin e katërt me të ardhura totale prej 95 milionë dollarë.
Përveç LeBron James, tre basketbollistë të tjerë të NBA janë në listën e 10 sportistëve më të paguar. Këta janë Stephen Curry (92.8 milionë dollarë në total), Kevin Durant (92.1 milionë dollarë) dhe Giannis Antetokounmpo (80.9 milionë dollarë).
Shtatë herë fituesi i Super Bowl, Tom Brady është në vendin e nëntë (83.9 milionë).
Vëmendje të veçantë tërheq Roger Federer, i cili është në vendin e shtatë dhe ka fituar vetëm 700 mijë dollarë nga çmimet e tenisit. Por kampioni është, për sa i përket fitimeve jashtë fushave të tenisit, me 90 milionë dollarë të ardhura. /tesheshi.com/
