Pas Jared Kushner, hetimi i “Russia Gate” ka arritur të prekë edhe “First Doughter”, Ivanka Trump.
Siç bëjnë të ditur mediat amerikane, prokurori Robert Mueller dëshiron të verifikojë rolin e vajzës së madhe të presidentit amerikan në takimin e famshëm ndërmjet avokates ruse Natalia Veselnitskaya, e cila është pranë Kremlinit, dhe lobistit Rinat Akhmetshin së bashku me Trump Jr. dhe të shoqin Jared, si dhe me prezencën e kreut të fushatës elektorale, Paul Manafort.
Takimi u zhvillua në “Trump Toëer” në Manhatan, ku avokatja ruse i propozoi Trump se do t’i japë dokumente kompromentuese për Hillary Clinton.
“Do t’i adhuroja ato dokumente”, ishte komenti i Trump Jr. në një sms me avokaten ruse përpara takimit.
Ivanka nuk ishte prezente në takim por shkëmbeu përshendetjet me avokaten ruse dhe bisedoi gjatë kohës që ata zbritën në katin e poshtëm nga ashensori dhe qëndroi disa kohë.
Los Angeles Times, gazeta më e ekuilibruar në kritikat ndaj Trump ka dhënë detaje të hollësishme mbi hetimet e Mueller, i cili po heton mbi rolin e vërtetë të anëtarëve të familjes Trump në lidhjen me rusët. /tesheshi.com/
