Më pak se një javë pasi presidenti rus Vladimir Putin njoftoi se vendi kishte bërë vaksinën e parë në botë kundër COVID-19, u njoftua se ata po krijonin një vaksinë tjetër – këtë herë për macet.
Rosselkhoznadzor i Rusisë njoftoi se po punon për një vaksinë për kafshët që duhet të testohet gjatë vjeshtës, pas rasteve të infeksioneve të maceve në Moskë dhe Tyumen.
Para së gjithash, vaksina ka për qëllim të mbrojë macvet në ferma të mëdha, dhe Rusia aktualisht ka rreth 100 ferma të specializuara me mace për industrinë e saj të madhe të leshit.
Lajmet për vaksinën e mundshme vijnë pas hulumtimit të kryer nga Rosselkhoznadzor, që, bashkë Institutin e Ministrisë së Mbrojtjes bënë të mundur krijimin e një sistemi testimi që zbulon infeksionin koronavirus si tek njerëzit ashtu edhe tek kafshët, shkruan Unilad.co.uk.
“Ne po punojmë për krijimin e një vaksine për kafshët kundër një lloji të ri të koronavirusit,” tha shefi i Rosselkhoznadzor Sergei Dankvert për MailOnline.
“Vaksina është e nevojshme kryesisht për mace. Ata transmetojnë virusin tek njëri-tjetri shpejt”, shtoi ai.
Vaksina do të shpërndahet në fermat e leshit. Sidoqoftë, nëse ka një kërkesë, ajo do të vihet në dispozicion në klinikat veterinare.
“Njerëzit gjithashtu do të duan të vaksinojnë kafshët shtëpiake,” tha Dankvert. /tesheshi.com/
